Sipas Projektligjit për Paga, i cili pritet të miratohet në Kuvendin e Kosovës më 31 janar, asamblistëve komunalë do t’u rritet rroga për 78 euro.
Nga rreth 220 euro sa e kanë marrë deri tani, nëse kalon Projektligji, rroga e tyre do të bëhet 298 euro.
Asamblisti sipas Projektligjit për Paga në sektorin publik do ta ketë koeficientin 1.25.
Përderisa një koeficient është i barabartë me 239 euro, një asamblist në fund të muajit do të marrë 298 euro.
Një asamblist do të marrë rrogën e njëjtë me një mekanik, elektricist, zdrukthëtar, instalues ujë, farkëtar dhe pozita të ngjashme në të gjitha institucionet e administratës publike.
Por, një asamblist do të ketë rrogën 11 herë më të vogël se kryeministri, i cili sipas Projektligjit për Paga do të marrë 2 mijë e 629 euro.
Rrogë më të ulët se asamblistët sipas Projektligjit për Paga do ta kenë vetëm rekrutët e FSK-së, kadetët doganorë dhe kadetët policorë.
Të njëjtët do të marrin rrogën e barabartë me koeficientin mbi të cilin janë ndërtuar pagat në sektorin publik. Ata do të marrin rrogën vetëm 239 euro. /kallxo.com
Kurti për “Financial Times”: Do të punoja me këdo në Shtëpin...
Rodri mund të ketë nevojë për operim, pritet të humbasë gjit...
Sveçla: Përgjegjësia për vrasjen e heroit Afrim Bunjaku ësht...
Marina Vjollca rikthehet në Top Channel, nën moderimin e emi...
Krasniqi viziton familjen e Afrim Bunjakut: Ishte një simbol...
IKD: KPK të garantojë transparencë në Draftrregulloren për k...